Lidhu me ne

Kryesore

“15 mln euro në xhep për 14 ditë”/ Malltezi: E kemi denoncuar që në 2015! Kam njoftuar edhe Bashën

"15 mln euro në xhep për 14 ditë"/ Malltezi: E kemi

Ish-drejtuesi i Departamentit të Mjedisit në PD, Jamabër Malltezi, ka bërë një kronologji të gjithë skemës së grabitjes së dhjetra milionë euro nga inceneratorët e Elbasanit, Fierit dhe Tiranës.

Sipas Malltezit, nuk ka nevoje fare të jesh prokuror që të shohësh që ka një pisllëk të madh, pasi 15 milion euro u futën në xhep për 14 ditë.

Në postimin e tij në Facebook, Malltezi thekson se qysh para 3 vitesh i ka shkruar ish kryetarit të PD që është aferë e rëndë dhe duhet denoncuar dhe paditur në prokurori, por që kjo u shty deri në vitin 2020.

Postimi i plotë i Jamabër Malltezit:

Qysh më 07 Prill 2015 së bashku me disa kolegë të Departamentit të Mjedisit (Prof. S. Sulce, Dr. Alda Biçoku, Doktorant G. Zela, etj.) dhe anti-korrupsionit denoncuam aferën e rëndë të inceneratorëve.

Në prezencë të anëtarëve të Këshillit Bashkiak të Elbasanit si Prof. Adrian Turku, Prof. Luciano Boçi, Aurel Bylykbashi, Blendi Himci, Eugen Isaj, etj. si edhe shumë ambjentalistëve dhe qytetarisë së Elbasanit, treguam shkeljet që qeveria po i fshihte.

Të gjitha shkeljet ligjore që raportoi sot SPAK i tregoi qartë zj. Pelinku.

Aty treguam që qeveria kinse kish kryer 9 procedura brenda ditës!

Kontrata e inceneratorit ishte e paparë: asnjë specifikim teknik, as cilësie, as sasior, as standardi mjedisor, asgjë. Biles edhe skica teknike që thoshte se do jepej në aneks ishte një shgarravinë që nuk lexohet dot asnjë dhe është turp që botohet kjo shkarravinë në fletore zyrtare!

Pas diskutimeve me qytetarët dhe anëtarët e Këshillit Bashkiak që u çuditen nga kjo aferë, i’a paraqitëm edhe mediave. 22 milion euro të përlara pa asnjë projekt paraprak, pa specifikime e asgjë.

POR Lefter Koka nuk kishte 22 milion euro në buxhet të ministrisë së tij. Këto para erdhën nga Ministria e Financave, pra nga Arben Ahmetaj (ai që pi kafe me deputetët e Bashës) dhe që u aksidentua në Shkup brenda në të njëjtën makinë me personat që volën milionat, dhe u miratuan nga Edi Rama.

Në vend që të vepronte shteti ligjor apo të ndalonte marrëzia e vjedhjes, qeveria e vijoi më tej. Firmosi me të njejtët personazhe, një aferë tjetër në Fier kësaj rradhe për 30 milion euro! Këtë kontratë as nuk e botoi në Fletore Zyrtare! Pse të lodhej? Edhe kjo kontratë për incenerator në Fier nuk ka asnjë specifikim teknik për impiantin, thjesht jepen 30 milion euro për të ndërtuar impiantin me çelësa në dorë. Veç 2 javë më pas, këta personazhet që morën 30 milion euro nga shteti firmosin me një italian që tua ndërtojë ai për veç 15 milion euro! Pra 30 – 15 = 15 milion euro në xhep për 14 ditë!

E kam nxjerrë vazhdimisht në Facebook këtë aferë. Nuk ka nevoje fare të jesh prokuror që të shohësh që ka një pisllëk të madh. Ku shteti ligjor?

Në këtë vend ku Edi Rama kërcënon gjyqtarët dhe prokurorët dhe përdor kukllat e Soros të thotë se drejtësia po vepron, prokuroria nuk guxonte të vepronte.

Rama-Ahmetaj-Koka-Bllako e vijuan aferën edhe me Tiranën dhe përfshinë edhe Erion Veliajn. 128 milion euro incineratori i Tiranës! As kjo kontratë nuk u botua në Fletore Zyrtare! As kjo kontrate nuk jep asnjë specifikim teknik, në një kohë që edhe kur blen një autoveturë në treg ajo ka të shënuara të gjitha specifikimet përkatëse.

Por këto ishin qindra miliona euro që as nuk parashikoheshin në buxhet! Pra, këtu ishte direkt vullneti i Rama-Ahmetaj-Koka-Bllako-Veliaj. Për ta embëlsuar sa më shumë këta përdorën para buxheti për të blerë mediat. Mbi 100 milion lekë ju dhanë Top Channel, Mjeros dhe Carlo Bolionës nga ky që kish monopol dhe nuk kish asnjë nevojë për reklamë! Prapë prokuroria nuk guxonte të hetonte.

Qysh para 3 vitesh i kam shkruar ish kryetarit të PD që është aferë e rëndë dhe duhet denoncuar dhe paditur në prokurori. Para 3 vitesh në mbledhje të kryesisë së PD i thashë që nuk mund të mbyllë gojën PD për këtë aferë e duhet ta depozitojmë në SPAK, paçka se ata mund të mos veprojnë.

Më pas vijuam vetë me iniciativën tonë dhe bëmë gati paditë penale. Qysh para 2 vitesh paditë për 3 inceneratorët ishin gati. I kam shkruar që kemi 3 padi gati për të depozituar por hiç veprim. Ka jurist të PD që ka punuar me jurist pranë meje që mund të dëshmojnë për këtë, sikurse edhe dy gazetarë (Fundo dhe Bejtja) që kerkonin t’i çoja paditë pa pritur Lulin por nuk doja të injoroja kryetarin. Nuk di se çfarë pazaresh luheshin.

Në shtator 2020 kur erdha në Tiranë i thashë që kam 6 padi për në SPAK dhe do ia plas. Mu lut që 3 padite e inceneratoreve të mos i dorëzoja unë por t‘i dorëzonte PD. Zyrtarja e shtypit në PD është dëshmitare për këtë gjë. Vepra penale në padi e shënova “Krijim Grupi të strukturuar kriminal“ me qëllim vjedhjen e qindra miliona eurove përmes skemës mafioze të plehrave me propozime të pakërkuara dhe pacertifikuara. Paditë e hartuara nga ne më pas u dorëzuan në SPAK nga zotërinjtë Gjata dhe Alibeaj.

Më pas pashë sesi kryetarja e LSI gjeti lidhjen direkte që veç për inceneratorin e Elbasanit ish ministri Koka kish krijuar kompani fiktive për të përlarë 3 milion euro. Po për Inceneratorët e Fierit dhe Tiranës?

SPAK duhet të mos lajë duart me një mini-afere për 3 milion euro nga veç 1 incenerator, të mos bëjë sikur nuk sheh gjithë grupin e strukturuar kriminal që po vjedh qindra milionë euro në bashkëpunim me zyrtarët më të lartë në vend dhe heshtjen e atyre që do duhej të flisnin fort në opozitë.

Vazhdo leximin

MË TEPËR

Mix20 orë më herët

Këto janë 3 shenjat më “tradhtare” të Horoskopit

A duhet të mos u besoni? Në internet qarkullon një studim sipas të cilit këto janë shenjat “që mund të...

Radar20 orë më herët

Humbëm të gjithë nga pak në cirkun e klikimeve

Zallamahia që pushtoi hapësirën virtuale të shqiptarëve kudo ku jetojnë ka nisur të bjerë, dhe kur të jetë shuar përfundimisht,...

Mix20 orë më herët

Nëse hani shumë sheqer, më shumë do vuani nga depresioni!

Një studim i botuar në Journal of Translational Medicine zbulon se konsumi më i lartë i sheqerit lidhet me një...

Mix20 orë më herët

Ozempic vrau dietën dhe ushtrimet!

Burimi: The Atlantic Mjekët mbase nuk duan ta pranojnë, por përdorimi i Ozempic dhe barnave të tjera GLP-1 po i...

Mix20 orë më herët

Veçoritë e Sicilisë – pse ia vlen ta vizitojmë?

Për shumë vite, qytetet klasike të Italisë, Roma, Venecia, Firence dhe Milano kanë tërhequr turistë nga e gjithë bota, ndërsa...

Mix21 orë më herët

ChatGPT Search, motori i kërkimit OpenAI, tani është falas për të gjithë

Ne kemi folur gjatë për ChatGPT Search në këto faqe dhe se si ai është i destinuar të ndryshojë thellësisht...

Mix21 orë më herët

Publikohet lista e 100 kuzhinave më të mira në botë, ja ku renditet Shqipëria

Guida e njohur gastronomike “Taste Atlas” ka publikuar listën e saj vjetore të kuzhinave më të mira në botë. Kuzhina...

Radar21 orë më herët

Avokat Ngjela: Non grata e Berishës e pakthyeshme, kërkon të manipulojë militantët. Kot mban shpresa te Trump

Avokati Spartak Ngjela pohoi pasditen e sotme se vendimi për shpalljen non grata të kreut të PD-së Berisha është i...

Mix21 orë më herët

Shkenca e fshehur në pikturën ikonike të Van Gogh, “Nata me yje”

Dy dekada më parë, dy fizikanë po qëndronin në një muze në Madrid duke menduar për veprat e piktorit post-impresionist...

Mix22 orë më herët

Dalina Buzi me deklaratë të fortë për Kiarën, reagon ashpër Luizi!

Dalina Buzi e ka ngacmuar Luiz Ejllin dhe Kiara Titon me një deklaratë të fortë qe beri se fundi për...

Facebook