Camila Cabello ka treguar së fundmi për betejat e saj me shëndetin mendor.

Këngëtarja 24-vjeçare e cila tashmë ka debutuar edhe si aktore në filmin  ‘Hirushja’ në Amazon Prime Video, tregon se ajo shkroi këngën hit të filmit “Million to One” gjatë një periudhe sfiduese në jetën e saj.

“Kur po punoja në ‘Million to One’ për Cinderella, për të qenë plotësisht e sinqertë, po kaloja një kohë vërtet të vështirë me shëndetin tim mendor. Ishte vetëm një periudhë kur kisha shumë ankth dhe trishtimit, dhe ajo këngë më bëri të ndjeja që: “Unë mund ta kapërcej këtë. E di që mund ta bëj jetën time më të mirë”.

“Ndjehem sikur e kanalizova udhëtimin tim personal në atë të personazhit. Personazhi ishte super i sigurt – të gjithë i thoshin jo, por ajo e dinte,”-vazhdoi më tej ajo.

Këngëtarja tha se kërkoi ndihmë profesionale dhe filloi terapinë konjitive të sjelljes, meditimin dhe frymëmarrjen.

“U desh gjithashtu shumë dashuri për veten (duke besuar se jam në thelb se je e denjë për lumturinë, përkatësinë, dashurinë dhe gëzimin, pa marrë parasysh çfarë), dhembshuri për veten (jo duke e rrahur veten emocionalisht) dhe vetëdije, “shpjegoi ajo, duke shtuar, “Për një kohë të gjatë, ankthi ndjehej sikur më rrëmbeu humorin, gëzimin, kreativitetin dhe besimin tim. Por tani ankthi dhe unë jemi miq të mirë.”