Lideri historik i PD, Sali Berisha nuk tërhiqet nga misioni i tij. Në fjalën e tij në Kuvendin Kombëtar të PD, Berisha ka ftuar cilindo dhe çdo kënd që ka një provë të vetme kundër tij ta tregojë atë publikisht, në të kundërtën do të vazhdojë i pathyeshëm misionin e tij dhe betejën për rivendosjen e dinjitetit të tij.

Ndërkaq iu ka bërë thirrje zyrtarëve të departamentit amerikan të shtetit të rishikojnë vendimin e tyre.

“Ftoj ata dhe cilindo që ka një provë të vetme kundër meje të tregojnë publiksht dhe Sali Berisha do të marrë çdo vendim ndaj vetes.  

Në të kundërt duke qëndruar i përulur para të vërtetës do të vazhdoj i pathyeshëm misionin tim, si besimtar i Zotit, beteja ime për rivendosjen e dinjitetit tim nuk do të ndalet kurrë. Bëj thirrje për zyrtarët e departamentit amerikan të Shtetit të rishikojnë vendimin e tyre, sepse aroganca dhe gabimi nuk janë virtyte të vlerës dhe lirisë”, ka thënë Berisha.