Ish-kryeministri Sali Berisha ka sqaruar rrethanat e fotos që po qarkullon prej ditësh në rrjetet sociale, ku ai shihet pranë diktatorit Enver Hoxha.

Duke folur në emisionin “Opinion”, Berisha sqaroi ai personalisht nuk e ka takuar asnjëherë diktatorin, por fotoja është realizuar gjatë ditëlindjes së Liljana Hoxhës, e cila ka qenë në atë kohë drejtore ekzekutive e revistës “Shkenca dhe Jeta”, ku ish-kryeministri ishte anëtar bordi.

“Pyetja e fotografisë është shpjeguar qartësisht nga ish-mjeku i Enver Hoxhës dhe miku im Isuf Kalo, nëse sheh në intervistën time ai që po drejton sot emisionin më ka pyetur  a ke takuar personalisht Enver Hoxhën, jo i them unë se personalisht nuk e kam takuar kurrë.

Aty kemi qenë në një ditëlindje që me sa di unë e Liliana Hoxhës, e cila ka qenë në atë kohë drejtore ekzekutive e revistës “Shkenca dhe Jeta” dhe unë kam qenë bashkëpunëtor dhe anëtarë bordi të kësaj reviste.

Aty ka ardhur e ka kaluar, mund të jetë ulur dy minuta, ka dhënë dorën e ka ikur.

Nëse një takim kolektiv quhet personal, merreni, por unë kam sqaruar dhe herët e tjera, që nuk e kam mohuar që unë kam patur miqësi me djalin e tij, shoqes së saj. Kjo është fotografia”,-tha Berisha