Janë të shumta vendet në Europë të njohura për klimën, terrenin dhe infrastrukturën e mirë të skive, duke ofruar mundësi zgjedhjeje për ata që pëlqejnë këtë sport.

Nga Zvicra në Francë, Itali e Austri këto janë disa nga vendet me resorte skish ku mund të gjeni çdo që mund të kërkoni, nga rehatia te adrenalina.

Courchevel, Francë

Courchevel është destinacioni i ëndrrave evropiane të skive. Nëpërmjet Courchevel mund të shkoni edhe te Tre Luginat, zona më e madhe e skive në botë. Në Courchevel, gjithashtu mund të gjeni restorante me yje, zona të dedikuara për ski për fëmijë, butiqe luksoze.

Zermatt, Zvicër

Zermatt është destinacioni më i njohur zviceran për ski. E veçanta e Zermatt është që këtu nuk do t’ju nevojiten makinat, pasi mund të udhëtoni vetëm më tren, taksi ose helikopter për në fshat.

Cortina d’Ampezzo, Itali

Cortina d’Ampezzo është e vendosur në majat më të larta në Dolomite dhe qyteti më i sofistikuar i skive në Itali. Ky resort do të jetë edhe vendi mikpritës i Lojërave Olimpike Dimërore 2026.

St. Moritz, Zvicër

Nuk mund të gjeni tjetërkund më shumë luks se në St. Moritz, qyteti zviceran i shpallur si resorti më i vjetër i pushimeve dimërore në botë. Ka një arsye pse skiatorët e guximshëm dynden në St. Moritz: Lartësia e lartë e resortit dhe numri i ditëve me diell që mbulon 87 pistat e zonës së skive janë ndër arsyet që pse ky vend pëlqehet kaq shumë.

Chamonix, Francë

Chamonix njihet për skijimin në peizazhin fantastik të Alpeve Franceze. Vendpushimi është i njohur për terrenin ekspert, i cili përfshin disa zona të veçanta skijimi,por njëkohësisht ofron dhe pista për familje dhe për fillestarë.

Shën Anton, Austri

Zona më e madhe e skive të Austrisë, Ski Arlberg, përbëhet nga shtatë fshatra dhe pothuajse 200 milje ski në pistë (plus 120 të tjerë milje të terrenit jashtë pistës). St. Anton ka restorante shumë të mira dhe një jetë nate goxha active.

Courmayeur, Itali

Në anën tjetër të Mont Blanc ndodhet qyteti italian i skive Courmayeur. Përveç pamjeve mahnitëse të Mont Blanc, thuhet se në këtë vend ka pak më shumë diell se ana franceze e malit. Përveçse për të bërë ski, njerëzit e pëlqejnë këtë qytet për të hipur në teleferikun ‘Skyëay Monte Bianco’, i cili ka pamje nga Matterhorn dhe Monte Rosa.