Lulzim Basha dhe Dash Shehi

Dashamir Shehi, i ftuar në emisionin “Të Paekspozuarit” në MCN TV, është pyetur nëse ekziston mundësia që Lulzim Basha të fitojë ndonjëherë zgjedhjet. 

Shehi u përgjigj se një gjë e tillë nuk ka gjasa të ndodhë dhe zbuloi se i ka thënë gjatë një bisede kreut të PD, se duhet të tërhiqet. 

“Unë mendoj se zgjedhjet nuk i fiton dot Basha. Ja kam thënë këtë dhe ai duhet të largohet. I kam thënë të tërhiqet, burrat siç dinë të fitojnë, dinë dhe të humbin dhe të tërhiqen. Ai tha jo.

Unë kam thënë ditën që mbaruan zgjedhjet, se ka humbur edhe Churchill dhe s’ka ndonjë gjë të tmerrshme. Por Basha, mënyra se si do të qëndrojë, e ka sjellë në këtë situatë.

Por, unë nuk mendoj se zgjidhje për PD është Berisha që kthehet për herë të tretë. Nuk ndodh kjo në demokraci, duhet të mbajë gjithësecili përgjegjësi.

Nuk është kaq tragjike kjo, që oborrin duhet ta kontrollojë vetëm një njeri, është staliniste kjo. Ka ardhur dita të dalim nga kjo situatë.