Letersi
Shqip / Përralla shumë të bukura për fëmijë
Peshorja e dhelprës
Dikur, dhelpra dhe ujku kanë qenë shumë miq. Bashkë gjuanin dhe bashkë ushqeheshin. Një ditë, kur po i grryente uria, ata gjetën një copë të madhe djathi.
-Po e ndaj unë, -tha dhelpra dhe e theu djathin në dy copa. Njëra nga copat ishte si më e madhe .
-Cila nga këto është më e madhe, -tha dhelpra.
Ujku tregoi atë që ishte më e madhe. Dhelpra e kafshoi atë që ishte më e madhe.
-Po tani kush është më e madhe?
-Kjo tjetra, -tha ujku.
Dhe duke kafshuar herë njërën dhe herë tjetrën, dhelpra po e kullufiste të gjithë djathin. Ujku u përmend. U sul mbi dhelprën dhe e kafshoi nga bishti. Nëse e shikoni një dhelpër me bisht të kafshuar, është mikesha e dikurshme e ujkut.
Morali: Dinakët nuk janë kurrë të drejtë.
