Një aksident tragjik  në Bullgari i mori jetën 45 personave, mes tyre 44 ishin shtetas shqiptarë nga Maqedonia e Veriut. Vetëm 7 nga pasagjerët që ndodheshin në autobus, arritën t’i mbijetojë shpërthimit të fuqishëm që shkrumboi mjetin.

Teksa ende nuk dihen shkaqet që sollën tragjedinë, ekspertët japin për medien bullgare Dnevnik, tre versione të cilat mund të nxjerrin në dritë shkakun e aksidentit.

“Mosfunksionim teknik, gabim njerëzor ose infrastrukturë e dobët. Këto janë tri versionet për të cilat, sipas ekspertëve me të cilët po bisedon Dnevnik, mund të punohet në hetimin e aksidentit të rëndë në autostradën e Strumës , ku një autobus maqedonas mori flakë dhe 45 persona humbën jetën”, shkruan Dnevnik.

Versioni zyrtar i autoriteteve bullgare, i paraqitur nga zëvendëskryeprokurori Borislav Sarafov, konsiston në dy qëndrime: problem teknik ose gabim njerëzor.

Aksidenti tragjedik ndodhi dje në mëngjes, ku në rrugë afër qytetit të Bullgarisë, Pernik45 persona humbën jetën. Prej viktimave 44 ishin shqiptarë nga Maqedonia e Verriut, ndërsa 7 pasagjerë arritën të shpëtonin duke u hedhur nga dritaret.

Në nder të viktimave Maqedonia e Veriut shpalli ditë zie kombëtare për tre ditë, ndrysa iu bashkua edhe Bullgaria e Kosova e cila do të ketë sot ditë zie në nder të viktimave.