Radar
Agron Shehaj krah Berishës: Kuvendi i 11 dhjetorit legjitim, jam i detyruar të shkoj
Deputeti i Partisë Demokratike, Agron Shehaj ka deklaruar se Kuvendi i 11 dhjetorit është legjitim dhe si rrjedhojë do jetë prezent ditën që do të mbahet, duke u pozicionuar kështu krah ish kryeministrit Sali Berisha.
Duke folur për mediat pas verifikimit të firmave të delegatëve, Shehaj tha se 98% e firmave u konfirmuan nga bisedat telefonike që pati me ta.
“Shkova per te pare si ishte konkretisht situata. 98% konfirmuan se firma është e tyre dhe se kanë firmosur. Nuk kontaktova dot me te gjithë. Fola me mbi 100 delegatë. Sipas numrave që pashë janë 56% e delegatëve të degës 7 dhe 58% të degës 5 kanë firmosur për kuvendin e datës 11. Këto numra tregojnë qartë se kuvendi i datës 11 është legjitim. Unë jam i detyruar të shkoj, sepse nëse demokratët vendosin, unë absolutisht do të shkoj”, tha Shehaj.
