Gatime
Receta / Zupa, si ta përgatisim në shtëpi
Nga pastiçieri Flugert Muho:
Përbërësit
- Ujë 500 gramë
- Sheqer kokërr, 150 gr
- Qumësht pluhur 50 gr
- Vezë, 2 kokrra
- Niseshte, 50 gr
Përgatitja
- Vëmë tenxheren në zjarr dhe hedhim në të ujin, sheqerin dhe qumështin pluhur. I përziejmë derisa të bëhen një masa kompakte.
- Ndërkohë niseshtenë dhe vezën i rrahim në një tas derisa të shkrihen me njëra-tjetrën.
- Më pas masën e niseshtesë dhe vezës e hedhim në tenxherin që kemi në zjarr dhe vazhdojmë ta përziejmë derisa e gjithë masa të trashet. Duhet të kemi kujdes që të mos bëhet me kokrra.
- Shijen e zupës e përzgjedhim vetë, mund të jetë kakao apo vanilje, si të keni dëshirë. Gjithashtu, mund t’i hedhim edhe fruta të thata (arra, rrush) ose edhe biskota.
- E ndajmë në tasa të vegjël e lëmë të mpikset. Më tej, ju bëftë mirë!
