Numri i aksidenteve në muajin tetor është rritur krahësuar me të njëjtën periudhë të një viti më parë. Në tetor janë regjistruar 127 aksidente rrugore, ndërsa numri i personave të përfshirë është 179.

Kështu bën me dije INSTAT, ndërsa shton numri i viktimave nga aksidentet e ndodhura në tetor është 14 persona.

Sa i përket bilancit të aksidenteve duke nisur nga muaji janar deri më tetor, ai ka shënuar rritje me 13,8 %, krahësuar me 10 mujorin e parë të vitit 2020. Numërohen 1.151 aksidente rrugore, ndërsa i personave të aksidentuar është 1.570, me 165 persona të vdekur.

Aksidentet rrugore, në 85,8 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga grup-mosha 25–34 vjeç.

Aksidentet në këtë grup-moshë janë rritur me 9,4 %, krahasuar me të njëjtën periudhë të një viti më parë. Në dhjetëmujorin e vitit 2021, aksidentet rrugore, në 15,5 % të rasteve, kanë ndodhur si pasojë e sjelljes së këmbësorit.

Dokumenta bashkëngjitur

https://docs.google.com/gview?url=https://www.cdnimpuls.com/politiko.al/media3/61975787ce866.pdf&embedded=true