Shawn Mendes dhe Camila Cabello i kanë dhënë fund “marrëdhënies së tyre romantike”.Mendes, 23 vjeç dhe Cabello, 24, njoftuan ndarjen e tyre në Instagram me një deklaratë të përbashkët.  

“Hej djema, ne kemi vendosur t’i japim fund marrëdhënies sonë romantike, por dashuria jonë për njëri-tjetrin si njeri është më e fortë se kurrë ️”, thuhej në deklaratën, të cilën ata të dy e ndanë në Instagram Story. “Ne e filluam lidhjen tonë si miqtë më të mirë dhe do të vazhdojmë të jemi miqtë më të mirë”.

“Ne e vlerësojmë shumë mbështetjen tuaj që nga fillimi dhe për të ecur përpara ️️️ Camila dhe Shawn,” përfundon deklarata.

Dyshja ishin miq për disa vite përpara se të fillonin lidhjen në korrik të 2019-ës. Ata u fotografuan duke ndarë disa momente PDA gjatë asaj vere dhe bënë paraqitjen e tyre të parë publike si çift në gusht në MTV Video Music Awards, ku performuan duetin e tyre “Señorita”. Atë nëntor, ata performuan sërish hitin e nominuar për Grammy në American Music Awards.