Parlamenti austriak hoqi sonte imunitetin e ish-kancelarit konservator Sebastian Kurtz  , i cili dha dorëheqjen në tetor pasi emri i tij u implikua në një skandal korrupsioni.

Kurtz, 35 vjeç, ishte objektivi i një hetimi, por pavarësisht dorëheqjes së tij si kancelar , ai nuk u ndoq penalisht për imunitetin e tij si anëtar i parlamentit dhe udhëheqës i grupit parlamentar të Partisë Popullore Konservatore VP.

Vetë Kurtz kishte deklaruar se donte që t’i hiqej imuniteti parlamentar në mënyrë që hetimi të vazhdonte dhe se donte të hiqte akuzat – të cilat ai tha se ishin të gabuara – që i kushtuan kancelarit.

Skandali shpërtheu në tetor, kur u hetuan kancelarja dhe Ministria e Financave, në kuadër të hetimit të një rasti të keqpërdorimit të fondeve publike, mes viteve 2016-2018 , nga bashkëpunëtorë të ish-kancelarit. Qëllimi ishte financimi i sondazheve të fabrikuara dhe promovimi pozitiv i Kurtz-it në mediat e grupit të fuqishëm austriak Österreich.