Ngjarja e rëndë që tronditi Fierin këtë pasdite, ku një 8-vjeçar u gjet i pajetë i groposur në oborrin e fqinjit, ka tronditur edhe opinionin publik.

Kreu i Bashkisë së Fierit Armando Subashi ka reaguar për herë të parë pas ngjarjes në një intervistë për News 24. Subashi u shpreh se lajmin e ka marrë nga administratori i qendrës, pasa se të shfaqej në media.

“Lajmin e mësova nga administratori i qendrës . Pak minuta me vonë është shfaqur në ekranet e TV. Është  një tragjedi e vërtetë, në ka lënë pa fjalë. jemi munduar të mësojmë hollësi të kësaj ngjarje. Nuk ka asgjë që të mund të justifikojë. Autori i ngjarjes ka pasur histori disa vite më parë, por nuk mendoj të kenë lidhje. Në atë ngjarje ndoshta ka qenë me xhaxhain që ka dhunuar, janë me të njëjtin mbiemër. Kjo e bën akoma më shumë enigmatike ngjarjen dhe shton pyetjen përse duhet të arrinte deri këtu?”, u shpreh Subashi.

Subashi deklaroi se nuk ka pasur sinjale që do të jepnin përshtypjen se Çalamani do të kryente një akt të tillë.

“Nuk kemi pasur asnjë informacion apo një sinjal më të vogël që ai të kryente veprime të tilla në lagjen ku banonte apo fshatin e vet. Nuk ka qenë pjesë e skemë së ndihmave. I ati i tij ka ndërruar jetë, e ëma e tij është martuar diku larg Fierit dhe në këto kushte i është të përballojë jetën në këto kushte. Më kanë thënë që për disa muaj ka punuar në zonë e Tepelenës, dhe shkonte ku të gjente punë. Nuk ka pasur një punë stabël gjatë këtyre 2-3 viteve të fundit. Këto janë raste që mund të ndodhin një herë në shumë vite, këto janë raste të rralla dhe marrin të gjithë vëmendjen e opinionit, dënohen fuqishëm”, deklaroi Subashi.