Më i dashuruar se kurrë, Leonardo DiCaprio gati për hapin e radhës në lidhje

Nuk është sekret që Leonardo DiCaprio është mësuar të dalw me femra shumë më të reja se ai dhe gjëja komike në Hollywood është se kufiri i moshës në lidhjen e tij nuk i kalon 25 vjet. Por ka një lidhje me Camila Morrone, që mund të ndryshojë rrjedhën e historisë së aktorit fitues të Oskarit.

“Modelja 24-vjeçare është më pranë DiCaprios se kurrë. Leo tregon edhe më shumë dashuri për Camin kur ai është jashtë”, tha një burim për E! News duke shtuar se “ata duken shumë të lumtur dhe të relaksuar së bashku”. Pra, a sinjalizon ky se ylli 47-vjeçar është gati të rikuperohet? Ndoshta nuk duam të nxitojmë të nxjerrim përfundime për stilin e lidhjes së tyre, por çifti ka katër vite që janë bashkë, ndaj mund të thuhet se e marrin seriozisht njëri-tjetrin.

Edhe ky lajm i fundit konfirmon një tjetër informacion të dhënë nga një burim tjetër për E! Lajmi në dhjetorin e kaluar që thoshte se “Leo ka gjetur jetën familjare me Camin, i pëlqen shumë jeta me të dhe të dy janë shumë më të lidhur se dikur”. Mirëpo kjo gjë na zgjon më shumë kureshtjen pasi këtë vit lexojmë kudo se ai nuk pushoi së kërkuari për të blerë një shtëpi. Ai madje kishte parë një rezidencë mbresëlënëse buzë detit në Malibu. Pra, a po mendon DiCaprio tani për të ardhmen e tij me Morrone dhe po kërkon të strehojë folenë e tyre të dashurisë?