Gruaja e djalit të presidentit amerikane, Hunter Biden, ka mohuar në dukje ekzistencën e laptopit famëkeq, edhe pasi vetë Hunter pranoi se kompjuteri mund ‘me siguri’ i përkiste atij.

I kapur jashtë ekspozitës së tij të artit në një galeri të Nju Jorkut të enjten, Biden u pyet nëse ai e kishte marrë laptopin famëkeq, i cili përmbante emaile për marrëdhëniet e tij të biznesit jashtë shtetit, së bashku me pamjet e dukshme të tij duke u droguar dhe duke u shoqëruar me gra të ndryshme.

Gruaja e Biden, Melissa Cohen ndërhyri për t’u përgjigjur se laptopi ‘nuk ekziston’ përpara se vetë Hunter të hapte gojën. Megjithatë është e paqartë nëse Cohen e bëri komentin si shaka apo jo.

Djali i shefit të Shtëpisë së Bardhë thuhet se ka humbur tre laptopë, më i fundit prej të cilëve ai pretendoi se ishte vjedhur nga tregtarët rusë të drogës.

Laptopi i parë, që thuhet se ishte braktisur nga Biden në një dyqan riparimi në Delaëare, përmbante komunikime me email midis Hunter dhe një individi të rangut të lartë në kompaninë ukrainase të energjisë Burisma, i cili po kërkonte këshilla se si të përdorte ndikimine tij në emër të kompanisë.

Ndërsa presidenti amerikan Joe Biden ka këmbëngulur se ai nuk dinte asgjë për marrëdhëniet e biznesit të djalit të tij, emailet tregonin se ekzekutivi ishte dërguar në Uashington posaçërisht për t’u takuar dhe ‘kaluar ca kohë me zv.nënpresidentin e atëhershëm’.

Hunter Biden pranoi në prill se kompjuteri i parë i humbur mund t’i përkiste atij.