Ata kanë makinat më të shtrenjta, paguajnë për jetën e natës në disa nga club-et më me famë në Tiranë, vishen me marka të njohura dhe dihen kush janë.

Të famshme ose jo, të njohur ose jo në media, këtu mund të shihni djemtë dhe vajzat më të pasur që bëjnë jetë luksoze në Tiranë dhe në shtetet e tjera të Evropës e të botës. Të ardhurat kolosale të tyre apo të familjes i bëjnë ata të quhen “fëmijët pasanikë të kryeqytetit”.

Motrat Hoxha, Lori dhe Sara janë dy nga trashëgimtaret e Top Medias. Pas vdekjes së babait të tyre, Dritan Hoxhës, ato kanë ndjekur rrugën e tij duke u marrë me mbarëvajtjen e bizneseve. Lori dhe Sara dallohen për udhëtimet e tyre të shumta, veshjet firmato dhe jetën luksoze që bëjnë.

Djali i ish-guvernatorit të Bankës së Shqipërisë, Ardian Fullanit, Eriku spikat gjithnjë për veshjet e zgjedhura me shumë kujdes,  makinat e bukura dhe pushime luksi.

Vajza e ish-kryeprokurorit. Theodhori Sollaku, Adela, e cila njihet si e dashura e reperit Ledri Vula, është një tjetër vajzë e një familjeje të mbajtur. Ajo njihet për kujdesin në detaj për paraqitjen e saj dhe është gjithnjë në super formë fizike.

Martini është djali i Samir Manes, një nga biznesmenët më të fuqishëm në Shqipëri por edhe më të rinj. Familja e tij menaxhon një numër të madh biznesesh dhe aksionesh.

Kristina Neranxi është menaxherja e firmës së babait të saj dhe ka një bar në ish-bllok.

Një tjetër 20-vjeçar, i cili bie në sy për pasionin për makinat e shtrenjta është Dejvi, i cili ka studiuar në Londër dhe familja e tij merret me biznes.

Sindi Xhillari është vajza e pronarit të një prej lokaleve të natës më të njohur në Tiranë. Ajo është vetëm 21 vjeç.

Adela Masha dhe Freda Doçi janë dy shoqe të ngushta, gjithnjë të kuruara, seksi dhe gati për party. Adela është presidente e një shkolle private në Tiranë, ndërsa prindërit e Fredës kanë kompani ndërtimi dhe një kompleks në Lalz.

I njohur ndryshe si i dashuri prej shumë vitesh i Lori Hoxhës, Vis Bajraktari mbahet si një ndër djemtë më simpatikë të brezit të tij dhe që ndër të tjera bën edhe një jetë mjaft luksoze, i veshur me rroba firmato dhe makina të shtrenjta.

Elena dhe Erisa Male: Vajzat e biznesmenit Behar Male janë menaxhere të bizneset e familjes.

Futbollist dhe djali i Irfan Hysenbelliut, Fatmiri është pronar i “News 24, Balkan Web, Radio Rash, Panorama, Gazeta Shqiptare etj”.

Ledio Ruçi, djali i deputetit Gramoz Ruçi punon  në një agjensi ndërkombëtare të trafikut ajror.

Djali i ish-presidentit Rexhep Meidani, Denion Meidani është i njohur për mbarëvajtjen e disa bareve dhe club-eve në kryeqytet.

Krista Merkoçi, fashion blogger, dhe vajza e një prej familjeve më të pasura në Tiranë, ku kanë një farmaci dhe ekskluzivitetin e disa firmave.