Ashtu sikurse deklaroi ish-kryeministri Sali Berisha,4.200 firmat e mbledhur për Kuvendin Kombëtar janë dorëzuar pak më parë në ambientet e brendshme të selisë së Partisë Demokratike.

Firmat janë dorëzuar nga Albana Vokshi, Edmond Spaho, Flamujr Noka, Aldo Bumçi, Klevis Balliu dhe Indrit Hoxha. Firmat do t’i dorëzohen kryetarit të Këshillit Kombëtar Edi Paloka.

Kryetari i Këshillit Kombëtar të PD-së Edi Paloka deklaroi se firmat do të ruhen në zyrën e tij dhe do të hapen ditën kur do të mblidhet Kuvendi Kombëtar, që përkon me datën 11 dhjetor.

“Formularët do të qëndrojnë të mbyllur për t’u hapur vetëm ditën e Kuvendit të jashtëzakonshëm. Theksoj se do të bëhet verifikimi një për një i të gjithë delegatëve që kanë firmosur.  Unë jam një nga ata që nuk kam firmosur formularin. Është ndjekur rruga që përcakton statuti që prevalon e drejta e ¼ të delegatëve për të thirrur Kuvendit, kur strukturat apo forumet e tjera nuk e realizojnë, jemi në këtë rast dhe për këtë arsye zbatojmë detyrimin ndaj delegatëve të Kuvendit për ta mbledhur Kuvendin,. Firmat janë në zyrën time, e dëgjua shpjegimin se përse formularët u depozituan në zyrën time, asnjë institutin nuk ka të drejtë që të bëjë verifikimin e firmëtarët përveç Kuvendit, ngrihet një Komision për verifikimin e mandateve. Firmëtarët më kanë kërkuar që të ruhet fshehtësia e të dhënave të tyre”, tha Paloka.