CEO i Pfizer: Ata që dezinformojnë mbi vaksinat Covid janë ‘kriminelë’

Drejtori i Përgjithshëm i prodhimit të vaksinës COVID-19 Pfizer tha të martën se njerëzit që përhapin dezinformata rreth vaksinës janë “kriminelë” dhe kanë kushtuar “miliona jetë”.

Në një bisedë të martën, CEO i Pfizer Albert Bourla tha se ekziston një grup i vogël njerëzish që “qarkullojnë, me qëllim, dezinformata në mënyrë që të mashtrojnë ata që kanë shqetësime” me vaksinën.

Këta njerëz janë kriminelë. Ata nuk janë njerëz të këqij. Ata janë kriminelë sepse kanë kushtuar miliona jetë njerëzish

Bourla tha se ka dy lloje njerëzish, njerëz që janë të vaksinuar dhe ata që janë skeptikë ndaj vaksinimit, “dhe të dy kanë frikë”.

“Ata që po marrin vaksinën, kanë frikë nga sëmundja dhe besojnë se për shkak se njerëzit nuk po vaksinohen, po rrisin rrezikun për ta”, tha CEO i Pfizer, ndërsa shtoi se janë dhe, “Ata që nuk e marrin vaksinën, kanë frikë nga vaksina dhe janë të irrituar me njerëzit që po i bëjnë presion për ta marrë atë“.

Keqinformimi ka pushtuar platformat e mediave sociale që nga fillimi i pandemisë, duke mbjellë dyshime në shkencën pas vaksinave dhe vetë COVID-19.

Që nga 4 nëntori, gati 427 milionë doza vaksinash janë administruar në SHBA dhe më shumë se 193 milionë njerëz – rreth 58.2% e popullsisë së SHBA – janë vaksinuar plotësisht, sipas të dhënave të mbledhura nga Qendrat për Kontrollin dhe Parandalimin e Sëmundjeve.

Bourla tha se ai beson se jeta mund të kthehet “në normalitet” për shumë njerëz pasi një pjesë e madhe e popullsisë vaksinohet kundër COVID-19.

E vetmja gjë që qëndron mes mënyrës së re të jetesës dhe mënyrës aktuale të jetesës është, sinqerisht, hezitimi ndaj vaksinimeve