I dërguari special i SHBA për dialogun Kosovë-Serbi Richard Grenell ka deklaruar se Sekretari Amerikan i Shtetit Antony Blinken mund të veprojë si agjent i George Soros jashtë vendit.

Ai evidenton se familja e Blinken janë donatorë të mëdhenj të organizatës së George Soros, madje në fonacionin e tij ka një “Blincen center”( qendra e Blinken).

Grenell shton se në kohën kur ishte drejtor i Inteligjencës Kombëtare nuk ka parë asnjë provë që DASH të shpallte “non grata” ish-kryeministrin. Gjithashtu thekson se Berisha ka qenë një nga kundërshtarët më të fortë të Sorosit, duke ngritur dyshime se vendimi i DASH-it është hakmarrje.

Ai thotë se nëse sekretari Blinken ka informacione të reja, duhet t’i bëjë ato publike, duke ngritur dyshime se Blinken po përdor fuqinë e Departamentit Amerikan të Shtetit për të ndihmuar George Soros dhe kundërshtarët e tij politikë.

“Sekretari ynë i Shtetit ka shpallur “non grata” Sali Berishën. Ai ka qenë një nga kritikët më të zëshëm të George Soros në Ballkan. Nuk ka prova që SHBA të merrte atë vendim ndaj Berishës.

Unë kam qenë ushtrues detyre i drejtorit të Inteligjencës Kombëtare. Unë u përqendrova në Ballkan. Unë kurrë nuk kam parë ndonjë provë të tillë. . . . Nëse sekretari Blinken ka informacione të reja që tregojnë për këtë, atëherë ai duhet të dalë dhe ta tregojë atë.

Sepse tani duket sikur ai po manipulon fuqinë e Departamentit të Shtetit për të ndihmuar George Soros dhe kundërshtarët e tij politikë”, ka thënë Grenell në një intervistë për Jordan Sekulow, drejtori i ACLJ .