Jo vetëm që Bitcoin është kriptomonedha e parë, por është gjithashtu më e njohura nga më shumë se 5000 kriptomonedha që ekzistojnë sot.

Çfarë është Bitcoin:

Bitcoin është një monedhë dixhitale e decentralizuar që mund ta blini, shisni dhe shkëmbeni drejtpërdrejt, pa një ndërmjetës. Krijuesi i Bitcoin, Satoshi Nakamoto, fillimisht përshkroi nevojën për “një sistem pagese elektronike të bazuar në prova kriptografike.”

Çdo transaksion Bitcoin që është bërë ndonjëherë ekziston në një libër publik të aksesueshëm për të gjithë, duke i bërë transaksionet të vështira për t’u rikthyer dhe të vështira për t’u falsifikuar. Monedha dixhitale konusmon shumë energji elektrike. Sot, çmimi i Bitcoin qëndron në rreth 60 mijë dollarë. Tashmë ajo është miratuar si monedha zyrtare e vendit në El Salvador, dhe ka bërë shumë njerëz jashtëzakonisht të pasur.

Si funksionon:

Bitcoin është ndërtuar mbi ‘rekorde dixhitale’ të shpërndara, të quajtur blockchain. Siç nënkupton edhe emri, blockchain është një trup i lidhur të dhënash, i përbërë nga njësi të quajtura blloqe që përmbajnë informacion për çdo transaksion, duke përfshirë datën dhe kohën, vlerën totale, blerësin dhe shitësin, dhe një kod unik identifikimi për çdo shkëmbim. Regjistrimet janë të lidhura së bashku në rend kronologjik, duke krijuar një zinxhir dixhital blloqesh.

Njerëzit mund të fitojnë para nga Bitcoin ose duke e ‘minuar’ atë dhe duke e shitur, ose duke blerë kripto-n dhe duke e shitur atë me një vlerë më të lartë më vonë. Vlera e Bitcoin është jashtëzakonsht e paqëndrueshme dhe mund të rritet dhe të bjerë në vlera shumë të paparashikueshme. Teksa shumë kanë fituar para në Bitcoin, shumë njerëz kanë humbur mijëra.

Si të blini Bitcoin:

Shumica e njerëzve blejnë Bitcoin përmes shkëmbimeve të kriptomonedhave . Shkëmbimet ju lejojnë të blini, shisni dhe mbani kriptovaluta, dhe krijimi i një llogarie është i ngjashëm me hapjen e një llogarie normale, pra do t’ju duhet të verifikoni identitetin tuaj dhe të siguroni një lloj burimi financimi, si një llogari bankare ose kartë debiti. Ju gjithashtu mund të blini Bitcoin në një ndërmjetës në internet si Robinhood. Pavarësisht se ku e blini Bitcoin-in tuaj, do t’ju duhet një portofol Bitcoin në të cilin ta ruani.

Si të përdorni Bitcoin:

Në SHBA, njerëzit në përgjithësi përdorin Bitcoin për të bërë blerje, por numri i shitësve që pranojnë kriptomonedhën është ende i kufizuar.

Kompanitë e mëdha që pranojnë Bitcoin janë Microsoft, PayPal dhe Whole Foods. Ju gjithashtu mund të zbuloni se disa “shitës” të vegjël ose websajte të caktuara pranojnë Bitcoin, por do t’ju duhet të bëni disa ‘gërmime’. Për ta përdorur Bitcoinin, duhet ta shkarkoni dhe instaloni një ‘portofol’ të kriptomonedhës dixhitale. Kjo është unike për ju dhe është vendi ku Bitcoini i juaj do të ruhet dhe vepron si një llogari bankare virtuale.