Burime të shumta për “Page Six” kanë thënë se aktori Chris Evans do të jetë në kopertinën e revistës “People” si “Mashkulli më seksi në botë” për vitin 2021.

Sipas po të njëjtave burime, kopertina e tij fillimisht ishte planifikuar për vitin e kaluar, por sipas burimeve u tha se shefat menduan se ishte më mirë të prisnin një vit pasi ai kishte ngarkuar aksidentalisht një foto të penisit të tij në internet.

“Chris ishte në diskutime për të qenë kopertinën vitin e kaluar, por nuk ishte një kohë e mirë,”- është shprehur një burim për mediat amerikane.

Në shtator të vitit 2020, Evans u duk se ngarkoi aksidentalisht foto nudo të tij ndërsa përpiqej të postonte një video në Instagram.

Fotot e kopertinës do të dalin javës që vjen dhe kujtojmë se vitin e kaluar si “mashkulli më seksi i vitit” u zgjodh Michael B. Jordan.

Kujtojmë po ashtu se përflitet se Chris Evans është në një lidhje dashurie me këngëtaren dhe aktoren Selena Gomez, por ende nuk është asgjë e konfirmuar nga asnjëri prej artistëve.