Mix
Mariah Carey nuk u ndahet Krishtlindjeve. Publikon një këngë të re
Mariah Carey është mbretëresha e Krishtlindjeve dhe veç disa versioneve që ka sjellë vit pas viti të “All I Want for Christmas is You”, ka publikuar një tjetër këngë. Këtë herë është baladë dhe është në bashkëpunim me Khalid dhe Kirk Franklin.
“Fall in love for Christmas” titullohet.
Ka vetëm 3 orë që është publikuar dhe i ka kaluar 50 mijë klikimet. Tani, ata që do kërkojnë këngën e parë, prej titullit, do i dalë edhe kjo e reja.
Ta mendosh që disa ditë më parë ajo u ndesh me një lajmërim të çuditshëm në derën e një lokali në Dallas, ku shkruhej: “Kënga e Mariah Carey ‘All I Want for Christmas is You’ nuk do të vihet para 1 dhjetorit. Edhe pas kësaj date, do luhet vetëm një herë në natë”.
Pasi fotoja u bë virale në rrjet, reagoi edhe Mariah Carey. U maskua si për Halloween dhe shkruante: A është kjo lufta ndaj Krishtlindjeve, për të cilën kam dëgjuar të flitet?
