Deputeti dhe kreu i FRPD, Belind Këlliçi ka konfirmuar se të dielën do të jetë pjesë e ‘Foltores’ se ish kryeministrit Sali Berisha.

Duke komentuar vendimin e kreut të PD Luzlim Basha për zgjedhjet në FRPD dy ditë para foltores në një lidhje direkte në ‘Politiko’ të Alfred Lelës në Top News, Këlliçi thotë se nuk ka asnjë vlerë ligjore pasi sipas tij zgjedhjet i incizon kryesia e forumit rinor të PD dhe askush tjetër.

Pjesë nga biseda:

Këlliçi: Sot në mesditë Basha ma komunikoi personalisht vendimin në zyrën e tij.

Nuk ia lejon statuti Bashës këtë vendim. Kemi statut, jemi organizatë partnere e PD dhe vetrregullohet në vijim të statutit të PD, variantit më të fundit të 4 qeshor 2016.

Po ra norma minimale e zbatimit të statuti në organizatën rinore të cdo lloj force politike atëherë kot i ka këto statute.

Kemi nisur këtë proces rioriganzimi muaj më parë por pritem mbylljen zgjedhjeve, më pas ndodhi kriza në PD. Zgjidhjen duhet ta japin institucionet.

Deri tani ka vetëm një njoftim në FB dhe komunikim verbal të Bashës ndaj meje. Ne kemi statutin tonë dhe pikat tona specifike si implementohen zgjedhjeve.

Zgjedhjet i incizon kryesia e forumit rinor të PD dhe askush tjetër. Duhet mblidhet kryesia që përcakton modalitetet. Për ne nuk ka asnjë vlerë nga ana statutore.  

Lela: Të dielën organizohet foltorja e Berishës, a është kjo arsyeja e kërkesa e Bashës?

Këlliçi: Do jem pjesë e foltores së rinisë që do organizohet të dielën. Bashkëpunoj me këta të rinj prej 6 vitesh. Ajo që po ndodh sot në PD është absurde, refuzohet të pranohet se ka krizë në PD.  

Lela: Prisni të thirreni sërish nga Yuri Kim pas foltores?

Këlliçi : Është ceshtje rutinore e deputeteve, jam thirrur në mënyrë korrekte në takime informuese, jam, i hapur dhe produkt i shkollimit të SHBA. Partneriteti me SHBA porevalon mbi cdo interesi tjeter politik brenda PD.

Nuk mund të ketë ndikim asnjë forcë e huaj organizatës tonë politike që është PD dhe forumit rinor.