Kreu i PDK-së Nard Ndoka deklaroi se kryedemokrati Lulzim Basha ka kërkuar largimin e LSI-së si dhe atë të ish-kryeministrit Sali Berisha, në mënyre që të ishte i lirë vetëm me disa komponentë afër tij.

I ftuar në emisionin “Drejt” në RTV Ora, Ndoka tha se Basha qëllimisht nuk e ka dashur fitoren. Sipas tij, Basha ka përfituar shumë nga opozita teksa shton se mes tij dhe Ramës, ka një marrëveshje.

“Edi Rama mori fitoren me ndryshimet e kushtetutës. Basha bëri vetëm një deklaratë për një gjë e tillë dhe sot mund të themi se Basha e ka bërë në mënyrë të qëllimshme sepse nuk e ka dashur fitoren. Ai ka dashur largimin e LSI-së si fillim dhe sfumimin e saj, largimin e Sali Berishës, që të ishte i lirë vetëm me disa ushtarë.

Ai ka shprehur se pas 4 viteve, ku ka bërë një marrëveshje me Ramën ku garant ishte Sorosi që ai të bëhej kryeministër. Agjenda e tij ka qenë e mirëpërcaktuar dhe afatgjatë. Ai është një lider që ka përfituar shumë nga opozita me lidhje dhe ato që vijnë erë me ato që ka marrë si bakshishe gjatë rrugës nga Rama,” u shpreh Ndoka.