Kryeministri Edi Rama u pa i buzëqeshur dhe entuziast ndërsa zbriste nga avioni në Beograd, për t’iu bashkuar takimit të radhës në ‘Open-Balkan’.

Por ajo që tërheq vëmendjen e qytetarëve dhe taksapaguesve në Shqipëri, është logoja në çadrën me të cilën Rama mbrohet nga shiu.

Siç shihet në foto logoja që qendron mbi ‘kokën’ e Ramës është ajo e komanisë farmaceutike ‘Farma-Net’, pronari i së cilës u arrestua një muaj më parë për kontrabandë ilaçesh.

Pronari i ‘Farma-Net’ Sokol Topçiu njihet si oligarku i shëndetësisë, pasi ishte një nga personazhet që bëri namin me tenderat gjatë periudhës së pandemisë.

Por rreth një muaj më parë Topçiu është vënë në pranga gjatë operacionit ‘Përfitimi’, pasi akuzohet se ka shitur mijëra ilaçe kontrabandë gjatë periudhës së pandemisë.

Aktualisht Topçiu është në arrest shtëpie. Gjatë periudhës së pandemisë Topçiu dyshohet se ka futur në Shqipëri ilaçe të marra me 20 dollarrë dhe më pas janë shitur me vlerë 500 mijë lekë të vjetra.

Por mesa duket për Ramën nuk e ka aspak problem që të reklamojë një kompani e cila ka abuzuar me çmimin e ilaçeve në Shqipëri, si dhe pronari i saj nuk ka paguar detyrimet për futjen e ilaçeve të ardhura nga shtet e tjera.