Reperja amerikane Cardi B do të jetë prezantuesja e “American Music Awards 2021” – që do të transmetohet drejtpërdrejt nga Microsoft Theatre në Los Angeles të dielën, më 21 nëntor.

Cardi – e cila është 5 herë fituese e AMA –  ka tre nominime në shfaqjen e këtij viti m si:” Artistja e preferuar femër hip-hop” dhe dy nominime për “Up” si “Video muzikore e preferuar” dhe “Kënga e preferuar hip-hop”.

Cardi bashkohet me një varg të gjatë yjesh hip-hop për të organizuar ose bashkë-organizuar AMA-të. Të tjerë përfshijnë MC Hammer (1992), Will Smith (1994), Queen Latifah (1995), LL Cool J (2001), Sean Combs (2002) dhe Pitbull (2013-14). Ky është viti i pestë radhazi që një yll femër me ngjyrë do të prezantojë në AMA. Cardi B ndjek aktoren Tracee Ellis Ross (2017-18), yllin e R&B, Ciara (2019) dhe aktoren Taraji P. Henson (2020).

“Kur mora ftesën për AMAs, u emocionova shumë,” – tha Cardi B në një deklaratë. “Unë jam gati të sjell personalitetin tim në skenën e AMAs! Faleminderit Jesse Collins, ABC dhe MRC për realizimin e kësaj”.

American Music Aëards 2021 prodhohet nga MRC Live & Alternative dhe Jesse Collins Entertainment.