Radar
Iraku i paguan 490 milionë dollarë dëmshpërblime Kuvajtit për pushtimin e vitit 1990
Iraku njoftoi të hënën se së fundmi i ka paguar Kuvajtit 490 milionë dollarë si reparacione lufte.
“Iraku pagoi 490 milionë dollarë kompensim të martën e kaluar nga shuma e përcaktuar nga OKB-ja për pushtimin e Kuvajtit nga regjimi i rrëzuar në fillim të viteve 1990.” – tha në një deklaratë ambasada irakiane në Kuvajt.
“Iraku do të punojë për të paguar shumën e mbetur të kompensimit prej 629 milionë dollarësh në fillim të vitit 2022.” – shtohet në deklaratë.
Në vitin 1991, OKB-ja e detyroi Bagdadin të paguante 52.4 miliardë dollarë kompensim për individët, kompanitë, organizatat qeveritare dhe të tjerët që pësuan humbje si rezultat i pushtimit irakian të Kuvajtit.
Iraku ndaloi pagesën e kompensimit në vitin 2014 për shkak të luftës kundër Daesh/ISIS, i cili kontrollonte një të tretën e vendit, por rifilloi pagesat në vitin 2018.
