Sociologu Ergys Mërtiri ka sulmuar mediat që raportojnë Foltoret e ish kryeministrit Sali Berisha, duke i quajtur shtabi elektoral i Berishës.

Përmes një statusi në rrjetet sociale, Mërtiri ka akuzuar Berishën duke shkruar se Foltoret e tij janë një degjenerim i diskursit, i mendimit dhe se garda politike rrotull Berishës, po përpiqet që ta shndërrojë batakun e saj në standart publik.

Pas kësaj ka patur një sërë reagimesh nga ndjekës të cilët e kanë kryqëzuar në rrjetet sociale.

“Qëndro tek opinioni, mendimi dhe analiza, nuk ke pse futesh me “turinj” në tenxheren e huaj!”, shkruan një prej ndjekësve.

Ata i drejtohen duke i thënë të mos përçajë më shumë demokratët dhe t’i kërkojë Lulzim Bashës të largohet pasi i ka bërë dëm Partisë Demokratike.

“S’po të lexoj deri në fund se duke dashur të sqarohesh vazhdon bën gabime. Shtabi elektoral i Berishës???? Ku e sheh ti shtabin e Berishës aman? Janë demokratët e zhgënjyer nga Luli yt vëlla. S’ka Berisha shtab që jep komandën dhe ndjek urdhërat me vrasje. Më mirë rri mos përça më shumë demokratët dhe thuaji Lulit të ikë se boll dëm dëm i ka bërë Partisë”, shkruan një tjetër ndjekës.