Ish-presidenti Bamir Topi teksa komentoi zhvillimet e fundit në selinë blu mes kryedemokratiti Lulzim Basha dhe ish-liderit Sali Berisha, deklaroi se aktualisht Shqipëria nuk ka një opozitë.

I ftuar në News 24, Topi deklaroi se Partia Demokratike është përfshirë nga një forcë e kundërt me revolucion dhe haptazi vërehet se ndodhet në një krizë.

“Në Partinë Demokratike kriza ka dalë në shesh. Sot, këtë e pranojnë me shumë natyrshmëri të gjitha palët. Partitë krijohen jo për t’i shërbyer individëve, por qytetarëve. Këtu ka ndodhur një proces i kundërt me evolucionin, këtu po ndodh një tkurrje. Janë dy individë që deri në fillim të shtatorit kanë qenë bashkë,” u shpreh Topi.

Lidhur me deklaratën e Berishës se në vitin 2017 i ka kërkuar dorëheqjen Lulzim Bashës, Topi shprehet se e gjykon si Berishën edhe Basdhën  si një person i vetëm.

“Ka vetëm dy rrugë, ose kanë qenë bashkë, ose tani po del në pah një hiprokrizi. Duke i rezervuar vetes një pozicion komod duke mos u shprehur, ai mori autorësinë. Berisha ka qenë një njeri që gjithmonë është ekspozuar, por për gjërat që kanë të bëjnë me ekzistencën e PD dhe kryetarit të partisë, ai hesht. Unë i gjykoj të dy si një person të vetëm. Njëri është pjellë i tjetrit. Të dy kanë bashkëqeverisur. Ne e shohim që Berisha edhe në këto kushte e ka marrë bazën e partisë Bashës,” deklaroi Topi.