Ish deputeti dhe ministri i PD, Arben Imami e ka cilësuar historike mundësinë  e rikthimit të ish kryeministrit Sali beriha në krye të PD.

I ftuar në emisionin ‘Politiko’ të Alfred Lelës në Top News, Imami thotë se rikthimi në krye të PD pas 30 vitesh i njëjti personazh që e themeloi për kushtet aktuale nuk ka rrugë tjetër.  

“Berisha po kandidoi do fitojë.

Berisha ka thënë se është ahistorike te kthehesh te ish kryetari. Berisha nuk pranoi disa vite më parë. Nuk është konspiracion se e kam thënë në 2018.

Nuk ka forcë tjetër që do mund ta kryente këtë, kjo është historike. Nuk ka rrugë tjetër dhe ai nuk mund ta braktisë këtë. Ka vetëm një rrugë, ajo e primareve si primaret amerikane. Nuk bëhen identik në Shqipëri, por për kryetarin , kryeministrin, të partisë… vota shkon te ata. Ka patur dhe ka probleme me statutin”, tha Imami.

Sipas tij, Berisha kishte probleme kur drejtonte PD por nuk kishte mënyrë diktatoriale, ndërsa e krahason me kryetarin aktual, Lulzim Basha.

“Mënyrën si e drejtonte Berisha partinë… Jo krejtësisht demokratike  por jo në mënyrë diktatoriale. Zgjedhjet në degë kanë qenë relativisht të hapura, nuk ka patur listë deputetësh që të mos kalonte në kryesi. Në 2009 miqtë e mi dhe nuk donin të më linin të kandidoj në PD. Me shumë vështirë në mbledhje të kryesisë, isha i 14-ti. Dy muaj pas zgjedhjeve më emëroi ministër.

Berisha konsultohej me të gjithë aktorët para vendimeve”, tha Imami.