Ish-kryeministri Sali Berisha deklaroi nga ‘Foltorja’ e Kavajës se do të garojë sërish për kreun e PD-së. Berisha garantoi se gara do të jetë e lirë për të zgjedhur kryetarin e PD-së.

I ftuar në studion e RTV Ora, ish-kreu i Partisë Demokristiane Nard Ndoka tha se “I vetmi person që mund të largojë Bashën është Berisha. Ai duhet ta kryejë sa më shpejt të jetë e mundur këtë proces. Foltorja është lëvizja më e rëndësishme në historinë e 30-vjeçare të PD-së. “

Sipas Ndokës, Basha si lider po jep shenja të një mjerimi politik, i cili arriti në këtë pikë vetëm për interes të karriges. Ndoka thekson se Basha e ka humbur autoritetin e tij si kreu i PD-së.

“Më vjen keq për Bashën, po tregon një mjerim politik, intelektual dhe njerëzor. Nuk do ta mendoja kurrë që Basha do të arrinte deri në këtë pikë për hir të karriges tij. Tashmë ai e ka humbur autoritetin për të drejtuara Partinë Demokratike, e ka humbur autoritetin për të drejtuar anëtarët dhe militantët e asaj partie.  PD nuk po e drejton asnjë njeri. Basha ka mbetur i mbyllur në zyrën e tij me 3, 4 vetë. Basha është lider i çorientuar, lider që ka bërë gabime pas gabimeve,” tha Ndoka.