Epoka Basha nuk solli asgjë përveç imazhit të humbësit.

Nga Armand Maho 

Epoka Basha nuk solli asgjë përveç imazhit të humbësit.

Trashja e zërit në parlament nga ana e Bashës, po tingëllon çdo ditë e më shumë qesharake. Pas tetë vjetësh u kujtua të përveshë mëngët. Po aq qesharake duken dhe ligjet që propozon apo komisionet që ai kërkon të ngrejë. Aksionet e opozitës po bëhen cdo ditë e më të pabesueshme. Të rrëmujshme dhe të çartura njëkohësisht. Vettingje që si dihet fundi, hetime që duhet të ishin bërë kohë më parë apo të shfrutëzoheshin në fushatë.

Të gjithë e dinë, e jo vetëm shqiptarët por edhe ambasadat dhe ambasadorët, se e vetmja mundësi për të rrëzuar këtë klikë abuzive ka mbetur PD. Tezat e doktorit për një riformulim të partisë kanë zgjuar besimin se diçka do të ndryshojë.

PD është alternativë pushteti e ngritur mbi idealet, gjakun dhe djersën e qindra mijërave anëtarëve, simpatizantëve, nuk është mjet biznesi për punët e askujt. Këtë duhet ta kuptojë qoftë Basha qoftë ai ose ata që do vijnë pas tij.