Kreu i LZHK-së, Dashamir Shehi, ka dalë në mbështetje të propozimit të PD për vettingun e politikanëve, i depozituar sot në Kuvend.

I ftuar në Open, Shehi tha se hetimi të kryhet nga një strukturë tjetër dhe jo Prokuroria e Posaçme.

Shehi shton se shpreson që ky proces të fillojë nga kryedemokrati Basha e të vazhdojë me ‘shefat’ e tjerë.

 “Ky qëllimi është i mirë ta pastrojmë politikën dhe mirë do ishte kjo punë, se në këto 30 vjet janë pasuruar në mënyrë të përshpejtuar me mijëra njerëz prej politikë, prej abuzimeve me paratë publike. E mbështet si qëllim, si formulë hajde ta diskutojmë.

SPAK ça do bëjë më përpara? Po i ngarkojmë këto struktura. Ideja është që SPAK do na zgjidhë këto hallet e mëdha  dhe po ta ngarkojmë me këtë çështje të shkallës administrative, ne deklarojmë pasurinë, n.q.s ka çështje penale SPAK aty është. Ne kemi akoma prokurori e hetues, shteti i ka të gjitha veglat për tu marrë me këtë punë. Jam dakord me qëllimin e mirë!

Nuk jam dakord të përziejmë gjithë gjerat bashkë. Nëse zoti Basha do them se duhet ta studiojmë së bashku, duhet ngritur një strukturë, jo ato që janë të përfshira, sepse do nxjerrim jashtë loje SPAK. Duhet gjetur një mekanizëm tjetër që duhet të jetë më i thjeshtë dhe më transparentë. Sepse SPAK heton penalisht në mënyrë të heshtur ndërsa ne kemi nevojë për transparencë. Do bëhet zhurmë shumë e punë pak.

Procesi është i rëndësishëm, është i drejtë, shpresoj që të fillojë nga Basha dhe shefat. Besoj se shqiptarët e dinë kush janë të korruptuarit. Kam frikë se disa mund të certifikohen si të pa korruptuar, ndërsa pasurimi i politikanit raporti me gjënë publike është diçka e verifikueshme në jetën e përditshme. Ai që ka qenë i ndershëm 20 vjet para nuk është më! Nuk jam për SPAK, se 15 veta aty të na bëjnë nja 4 punë që presim se sa ti hyjnë batakut të madh”, tha Shehi.