Qeni nuk duhet t’ju tërheqë nga hundët, por megjitahtë, pa iu nënshtruar kapriçove të tij, ju mund t’i njihni preferencat e tij.

Para së gjithash, duhet të dini se pjesa më e madhe e preferencave të tij ushqimore janë të lindura. Qeni është mishëngrënës, kështu që ushqimet me origjinë shtazore në përgjithësi pëlqehen shumë më tepër se ato me origjinë bimore. Por megjitahtë shijimi i një numër ushqimesh mund edhe të fitohet.

Zakonet e qëndrueshme ushqimore, për të mos thënë definitive,  krijohen përpara ndërprerjes së ushqimit të gjirit (nga mosha 4 deri në 7 javëshe). Qeni i vogël edukohet, imiton sjelljen e nënës së tij e cila u mëson të vegjëlve si të zgjedhin ushqimin, por edhe si të gjuajnë e të shoqërizohen. Në këtë periudhë duhet të ndryshohen burimet ushqimore dhe llojet e ushqimeve të qenit të vogël në mënyrë që të lehtësohet përshtatja e tij e mëvonshme ndaj ushqimeve të ndryshme; në moshë të rritur, ai mund të hajë të njëjtat ushqime.

Ushqimet e preferuara të qenit
Proteinat shtazore vlerësohen në veçanti nga qeni. Industria agro-ushqimore i përdor shumë për të rritur shijen e ushqimeve të përbërë të cilësisë së lartë (ndryshe nga produktet vegjetale, të cilat kanë efekt të kundërt). Ushqimi për qenin, i cili dominon në përbërjen ushqimore, është themelor.

Mëlçia dhe stomaku të gjallë pëlqehen më shumë se mishi i pjekur. Qeni preferon më shumë mishin e kaut dhe shpendëve sesa stë të qingjit dhe kalit. Në vend të parë qëndron mishi i papjekur i kaut, pastaj shpendët, qingji, kali dhe derri. Qenit i pëlqejnë më shumë të brëndshmet e kuqe sesa të brëndshmet e bardha.

Gjithashtu qenit i pëlqen më shumë yndyra shtazore (yndyra e shpendëve dhe e derrit) sesa yndyra bimore.

Sheqeri përbën një rast të veçantë: konia nuk e njeh shijen e tij, sepse ushqimet e tij nuk kanë asnjë përbërës me sheqer. Është pra i zoti ai që do t’ia propozojë këtë shije.

Duhet theksuar se gama e shijeve mund të evoluojë: është vërtetuar se kafshët mund të zhvillojnë një preferencë për shije që i kanë provuar përpara ose gjatë shërimit nga një sëmundje.

Kriteret e pëlqimit të ushqimit nga qeni
Ushqimet me lëng: ushqimet me lëng pëlqehen më shumë se ushqimet e thata. Kufiri më i pëlqyer në përmbajtjen e lëngshme mund të ishte nga 40 deri në 50%. Ushqimet e thata nuk e tërheqin qenin në mënyrë të natyrshme.

Paraqitja: konservat dhe ushqimet me copa shijohen më shumë nga qeni sesa ushqimet e freskëta me feta apo të bluara, por këto të fundit pëlqehen më shumë se kroketat.

Ushqimet që nuk i pëlqejnë qenit
Disa qenj tregojnë mospëlqim për shihet e hidhura. Neveritë mund të lidhen edhe me sëmundjet apo zakonet ushqimore. Është vërtetuar se kafshët mund t’i shmangen një ushqimi apo uji me aromë, në rast se e knaë përdorur përpara një sëmundjeje.

Kjo neveri mund të shfaqet edhe në rast se sëmundja bie disa orë pas ngrënies apo pirjes së ujit. Neveria e kushtëzuar e shijes zhvillohet më me siguri kur shija e re apo e dallueshme konsumohet pak përpara shfaqjes së sëmundjes dhe kur sëmundja është e gjatë dhe e rëndë.

Kur një qen refuzon një ushqim, është e rëndësishme të kërkohen shkaqet psikologjike në jetën e tij.