Që hudhra bën mrekulli për shëndetin, dihet prej 5 mijë vjetësh! Në antikitet ishte gjerësisht e përdorur nga mjeksia kineze. Gjyshet e kanë përdorur gjithmonë në receta sepse është një ushqim i pasur me vlera mirëpo as me të nuk duhet abuzuar. Sa duhet të hamë që efektet e saj të jenë nga më të mirat?
Hudhra ndihmon për të ulur nivelin e kolesterolit të keq, për të holluar gjakun dhe si antibakterial natyral. Lufton simptomat e gripit dhe shërben si antimykotik. Fal funksioneve pastruese, mund të ndihmojë njerëzit që kanë problem me veshkat. Së fundmi po thuhet gjithmonë e më shumë se hudhra është e efektshme edhe kur keni dhembje koke apo dhëmbësh. Pjesa më e madhe e të mirave të hudhrës i detyrohet alicinës; substancës antioksiduese që lufton radikalet e lira. Për të gjitha këto, mjafton një thelb hudhër sepse sasia e duhur është vetëm 4 gram në ditë. E mira është që ta konsumoni të gjallë dhe ta prisni në copa të vogla 3-4 minuta përpara se ta hani. Nëse e përzieni me majdanozin do të evitoni edhe erën e keqe!