Kryetari i PD-së, Lulzim Basha i quajti oligarkë, Shefqet Kastratin dhe Samir Manen, të cilët kryeministri Edi Rama, preferoi t’i konsideronte “sipërmarrës dhe bizesmenë të mëdhenj” gjatë seancës në parlament.

Basha, i cili nuk e ka zakon ti përmendë oligarkët, foli për Kastratin, duke e akuzuar për kontrabandë nafte dhe Samir Manen për tenderin e tunelit të Llogarasë.

Por fakti që përmendi vetëm dy emra dhe jo të tjerë, është seleksionim sipas gazetarit Arian Çani. I ftuar në emisionin “Të Paekspozuarit” në MCN TV, Çani tha se ndoshta këto të dy janë vonuar me “ndonjë gjë”, duke thënë se nderi ka afat…

“Ka një rregull që nga kohët e lashta që mjafton të flitet për ty dhe kjo është reklamë. Mospërmendja është skenari më i keq. Kjo nuk është gjë e keqe për ata. Por fakti që përmend vetëm ata të dy dhe lihen 2-3 të tjerë se di pse bën seleksion. Ndoshta këto të dy janë vonuar me ‘ndonjë gjë’. Ndoshta këta të dy kanë kaluar afatet, spese Basha duhet ti përmendë të gjithë. Nderi ka afat, dihet”, tha Çani.