Pyetja: Po nëse për një moment juve do të ishit kryetari i Partisë Demokratike, do të merrnit të njëjtin vendim që ka marrë Lulzim Basha? Ose a mund t’ia këshillonit këtë vendim Lulzim Bashës, nëse do të ishit këshilltari i tij?

Agron Gjekmarkaj: Unë kam natyrë tjetër nga Lulzim Basha, shumë tjetër. Unë do ta kisha marrë këtë vendim një 2013-ën, do ta kisha marrë vet, do ta kisha bërë përpjekjen sepse, të gjitha shoqëritë, po shoqëria shqiptare më shumë sesa të tjerat, liderin e do lider, mbretin e do mbret nuk do me… Pavarësisht se flamurin e kemi me dy koka, në një farë mënyre Basha ka qenë i dubluar nën hijen e Sali Berishës, për mirë apo për keq merre si të duash, për t’u justifikuar apo për t’u ikur shigjetimeve, por ka qenë. Të jem real, unë Lulzim Bashën e shoh prej katër javësh si njeri që ka totalisht përgjegjësinë mbi vete, mirë apo keq do të gjykohet në kohë, në vazhdim. Por që e shoh të jetë ai vetvetja, në sensin që është ai që e ka këtë borën mbi qafë, atë të liderit. Dhe kryetarin do ta gjykojmë 100 si kryetar të vërtet dhe real për meritat apo për gabimet e tij nesër.