Ish-kryetarja e Kuvendit, Jozefina Topalli është pyetur se si do të ishte Partia Demokratike sot nëse në krye të saj do të ishte vendosur ndjeri Sokol Olldashi.

Duke folur në studion e “Zona Zero” në Top News lidhur me përplasjet brenda PD, Topalli tha se edhe roje të seliste të ishte vënë, sërish nuk do ishte shitur.

“Sigurisht që do ishte ndryshe, edhe sikur të kishim vendosur edhe rojën e selisë së PD, nuk do ishte shitur, do kishte qenë ndryshe. Se unë i njoh ata dhe janë burra shumë të mirë”, tha Topalli.

E pyetur mbi vendimin për ta shpallur non-grata Berishën, Topalli tha se i duket i padrejtë.

“Mua më ka çudit shumë vendimi i SHBA. Më është dukur i padrejtë. Një njeri që kishte 8 vite i larguar nga pushteti. Mua m’u duk e padrejtë. Unë besoj që Basha e donte këtë vendim të SHBA, që ta hiqte nga grupi i PD. Për mua shtiret kur thotë se ishte vendim i vështirë”, tha Topalli.