HBO ka publikuar një reklamë teaseri që përmban pamjet e para reale të “Shtëpisë së Dragoit”,  që flet për ngjarjet paraprake të ‘Game of Thrones’, pra para se të ndodhin ngjarjet që kemi parë në një nga serialet më të suksesshme në botë, që ka bërë histori. Shfaqja u njoftua dy vjet më parë dhe bazohet në librin “Fire and Blood” e George RR Martin, një libër që përqendrohet në historinë e familjes Targaryen dhe është vendosur dy shekuj para ngjarjeve të romaneve “Song of Ice and Fire”,  në të cilin u bazua dhe “Game of Thrones”.

Traileri i “The House of the Dragon” nuk zbulon shumë rreth komploteve të shfaqjes, por tregon kastin e mbresëlënës: aktorët përfshirë Paddy Considine, Matt Smith, Sonoya Mizuno, Steve Toussaint, Rhys Ifans dhe Olivia Cooke janë të gjithë në këtë projekt të ri. Siç mund ta prisnit, duket se ka shumë luftime me shpata dhe referenca për dragonjtë.

Pyetja, natyrisht, është se sa fansa të ‘Game of Thrones’ do të kthehen për ‘House of the Dragon’. HBO nuk ka dhënë një datë specifike të publikimit përveçse të thotë se ‘House of the Dragon’ do të transmetohet në vitin 2022, dhe natyrisht do të transmetohet nga HBO Max.