Shoqëria është kthyer në një xhungël ku të fortët mbijetojnë.

Rritja e çmimeve/ Lapaj: Shoqëria është kthyer në një xhungël ku të fortët mbijetojnë. Të reflektojmë

Rritja e produkteve të shportës dhe kryesisht të bukës është kthyer në një problem shqetësues për qytetarët e vendin tonë.

Ndërkohë Adriatik Lapaj, në një postim që bëri një ditë më parë në rrjete sociale, tha se do dalë i vetëm në protestë.

Ky i fundit në një intervistë për Ora News, me gazetaren Matilda Mcini, u shpreh se rritja e çmimeve të produkteve preki të gjithë shtresat e shoqërisë. 

Më tej shton se shoqëria në vendin tonë ka probleme të mbartura në lidhje me nivelin ekonomik.

Adriatik Lapaj: Këto dy javë që është rritur çmimi i bukës, kam pritur që qytetarët në nevojë të reagojnë por nuk ka ndodhur. Unë kam vendosur që të protestojë si individ, nuk kam ftuar njeri, por pastaj mori dhenë. Angazhimi është individual, por shoh që shumë qytetarë e kanë ndarë këtë shqetësim dhe shumë të tjerë po e ndajnë. Ne si shoqëri kemi probleme të mbartura në lidhje me nivelin ekonomik. Rritja e  çmimeve të produkteve që prekin të gjithë shtresat e shoqërisë janë për t’u shqetësuar.

Ai thotë se nëse qytetari s’ka mundësi që të blejë produktet bazë, kjo mund të çojë deri në prishjen e balancave të shtetit.

Adriatik Lapaj: Në momentin që e çon deri te buka e gojës, qytetarin që s’ka mundësi ta blejë, do vjedhim do vrasim, do ikim dhe kjo çon edhe më tej në prishjen e balancave në shtetin tonë.

Ne po vjelim sot frytet e asaj që kemi mbjellë në 25 vitet e fundit. Tani duhet të fillojmë rikuperimin që pas 10-15 vitesh të shohim disa fryte pozitive në raport  me këto që po ndodh.

Lapaj, shprehet se shoqëria duhet të reflektojë te problemet sociale që e shqetësojnë, dhe jo të reagojë vetëm atëherë kur ka krime.

Adriatik Lapaj: Kthimi i shoqërisë në një xhungël ku më të fortët mbijetojnë duke shqyer që gjejnë përpara, pastaj dhe vet të fortët shqyhen nga një më i fortë që del në rrugë, është një sistem në një rend që ne duhet të ndërmarrim masa për ta ndryshuar.

Një fëmijë që rritet në kushtet e një pabarazie sociale ku fëmijët e njërit janë miliarder dhe tallen me para ndërkohë që ai rritet si një fëmijë që nuk mbush barkun me bukë dhe shoqëria nuk është ndalur të reflektojë dhe të krijojë mekanizma që nuk krijojnë distanca kaq të mëdha mes fëmijëve, ai rritet me mllef. Rritet dhe nuk i lihet rrugë tjetër përveç rrugës së krimit. Shoqëria nuk duhet të kujtohet vetëm kur të kris kallashnikovi. Sipas raportit të “Bankës Botërore” 1/3 shqiptar dhe të mos flas ndaj shtetit tim i cili nuk krijon mekanizma që të garantoj çmimin e bukës.