Rregullat e reja që do të ndiqni për të aplikuar për Lotarinë amerikane DV-2023 janë publikuar nga Ambasada Amerikane. Mësohet se regjistrimi elektronik për lotarinë do të rifillojnë ditën e mërkurë, 6 tetor 2021 dhe do të mbyllet më datë 9 nëntor.

Qytetarët shqiptarë që duan të udhëtojnë drejt Amerikës duhet të plotësojnë këtë lotari dhe mund të përzgjidhen fitues nëpërmjet përzgjedhjes së rastësishme.

Informacion i plotë

Periudha e Regjistrimit Elektronik për Lotarinë DV-2023

Regjistrimi elektronik për lotarinë DV-2023 do të rifillojë të mërkurën, më 6 tetor 2021 në mesditë 12:00, Ora Ditore Lindore (EDT) (GMT-4) dhe do të mbyllet të martën, më 9 nëntor 2021, në mesditë 12:00 Ora Standarte Lindore (EST)(GMT-5).

• DV-2023 Udhëzimet në Anglisht(PDF 273 KB)
• DV-2023 Udhëzimet në Shqip(PDF 406 KB)

Shikoni këtë faqe për një vështrim të përgjithshëm të programit të Vizave të Shumëllojshmërisë, si dhe udhëzimet hap pas hapi për t’ju ndihmuar se si të plotësoni një aplikim për t’u regjistruar për Lotarinë. Aplikantët mund të kryejnë aplikimin elektronik në faqen zyrtare të E-DV, gjatë periudhës së regjistrimit. Udhëzimet e DV janë gjithashtu në dispozicion në faqen e internetit të Departamentit të Shtetit.

Për të parë nëse janë përzgjedhur, të regjistruarit do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të Regjistruarve në faqen zyrtare të E-DV-së. Kontrolli i Statusit të të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten e tyre dhe anëtarët e familjes së tyre. Të përzgjedhurit do të mund të mësojnë datën e tyre të intervistës për vizë duke hyrë tek Kontrolli i Statusit të të Regjistruarve.

Informacion mbi Programin e Vizave të Shumëllojshmërisë

Vizitoni faqen e internetit të Programi të Vizave të Shumëllojshmërisë (në Anglisht) për informacion mbi:

• Njoftime të rëndësishme mbi mashtrimet(në Anglisht)
• Punët që kualifikohen për programin e Shumëllojshmërisë(në Anglisht)