Në pasarelë me Omnipod, injeksion insuline në kofshë. Lila Moss 19 vjeçe u shfaq kështu në sfilatën e kësaj jave të Fendace ( Fendi & Versace) në Milano duke marrë gjithë vëmendjen, ndoshta më shumë sa vetë veshjet e reja të dizajnuara nga markat e njohura.

Modelja e cila është vajza e supermodeles britanike Kate Moss vuan nga diabeti i tipit 1, që kërkon injeksione të insulinës (me gjilpërë ose përmes pajisjes Omnipod) për të ruajtur nivelet e sheqerit në gjak. Lila Moss nuk u mbulua aspak me një palë pantallona, fund ose fustan por siç ishte parashikuar që më herët se çfarë do të vishte në pasarelë, me bikini dhe xhaketë.

https://www.instagram.com/p/CUcRh5bo5iz/

Nuk mund të luhet me shëndetin, dhe këtë mendim kanë ndarë edhe komentuesit në rrjetet sociale që e kanë mbështetur modelen e re dhe e kanë komplimentuar: Duhet të jesh krenare për veten, i shkruajnë të shumtë në foton që vetë Lila ka postuar në Instagram.

https://www.instagram.com/p/CUUph48gu5O/?utm_source=ig_embed&ig_rid=b4c7fa00-4482-48fa-b409-7ca44532c346

Ajo që ndodhi me Lila Moss në fakt është edhe një reminder se diabeti i tipit 1 nuk lidhet aspak me peshën, madhësinë e trupit ose stilin e jetës.

Në fund të sfilatës u shfaq edhe nëna e saj Kate 47 vjeç, e cila dukej më se në formë me një fustan të zi. Ndërsa Lila u shfaq me bikini, me xhaketë të dizajnuar sipër dhe çantë plazhi.

Lila Moss ka folur më herët për diagnozën e saj të diabetit. Në një intervistë ajo ka thënë: Jo shumë njerëz e dinë që unë kam diabet. Sigurisht nuk është e dukshme nga jashtë. Diabeti nuk mund të kuptohet vetëm duke të të parë nga jashtë. I kuptoj ata që kanë të njejtën gjë si unë dhe do doja ti ndihmoja.

Çfarë është diabeti i tipit 1:

Diabeti i tipit 1 ose diabeti i varur nga insulina zhvillohet zakonisht para moshës 30 vjeçare. Është një sëmundje kronike autoimune në të cilën pankreasi nuk prodhon shumë insulinë. Ky lloj i diabetit shpesh kërkon disa injeksione insuline çdo ditë për të parandaluar nivelet e larta të sheqerit në gjak (glukozë) dhe nuk mund të kontrollohet përmes dietës, të ushqyerit dhe stërvitjes.

*Artikulli i People