Çeshtja Gërdeci, Matlija tregon pse nuk u hetua Fatmir Mediu

Çështja Gërdeci ka dalë sërish në skenë dhe 13 vjet më pas Fatmir Mediu do të hetohet. Por përse rikthehet kjo çështje pas më shumë se një dekade?

Avokati i familjarëve të viktimave të Gërdecit, Dorian Matlija i ftuar në emisionin “Të Paekspozuarit” në MCN TV tha se çështja Gërdeci nuk është hetuar sepse nuk ka dashur Prokuroria. Siç u shpreh avokati një pengesë fillimisht u bë mandate i ri që fitoi Mediu. Ai shtoi se pavarsisht ecejakeve deri më tani, “SPAK më në fund e ka futur çështjen në kanale juridike sepse deri tani ka qenë në kanale politike”.

“Nuk ka dashur Prokuroria. Hetimi është bërë nuk është bërë gjykimi. Një nga të pandehurit që ishte Fatmir Mediu nuk u hetua. Mandate u bë një pengesë sipas Gjykatës së Lartë dhe shumica vendosi. Ai fitoi një mandate të ri dhe këtu filluan ecejaket. Prokuroria duhej të kërkonte heqjen e imunitetit dhe prokuroria nuk donte ta bënte edhe pse nuk kishte pengesë ligjore. Në 2012 ndryshoi një nen në Kushtetutë, nuk kishte nevojë të hiqje imunitet dhe këtu nisën sërish kërkesat për hetime. Disa të plagosur shkuan në gjykatë dhe u rrëzuan, shpëtoi sërish Fatmir Mediu. Në një rast Prokuroria pranoi ti hidhte imunitetin dhe sërish shpëtoi. Më pas iu kërkua Adriatik Llallës dhe ai nuk e bëri. SPAK më në fund e ka futur çështjen në kanale juridike sepse deri tani ka qenë në kanale politike”, tha Matlija.