Vladimir Putin shkon për peshkim në Siberi pas karantinës

Vladimir Putin shkon për peshkim në Siberi pas karantinës – Shihni videot dhe fotot

Presidenti rus, Vladimir Putin kaloi disa ditë duke ecur dhe peshkuar në Siberi në fillim të shtatorit, njoftoi Kremlini sot, duke postuar fotografi të presidentit nga pushimet e tij.

Në mbishkrimin që shoqëron një nga 20 fotot, të cilat u postuan në faqen e internetit të Kremlinit, thuhet se presidenti rus bëri një ndalesë për disa ditë në Siberi, pas një udhëtimi pune në Lindjen e Largët ruse në fillim të shtatorit

Disa ditë më vonë, në mes të shtatorit, Putin njoftoi se do të duhej të kalonte “disa ditë” në izolim pasi njerëzit pranë tij u sëmurën me Covid-19. Ai gjithashtu duhej të anulonte udhëtimin e tij në Taxhikistan, ku do të merrte pjesë në një Samit të Sigurisë.

Në të kaluarën, kamera ka kapur presidentin rus duke hipur në kalë dhe duke mbajtur syze dielli, por edhe duke pilotuar një avion luftarak.

Këtë herë, fotot që u bënë publike ishin më të zakonshme.

Kremlini ka publikuar fotografi të Vladimir Putinit duke qëndruar në lumë, duke peshkuar dhe kapur peshk, duke ecur në livadhe dhe duke folur me Ministrin e Mbrojtjes Sergei Shoigu, shoqëruesin e tij të zakonshëm të pushimeve.