Cindy Marina është një nga moderatoret më të reja të sportit, e cila ka lënë SHBA, për të punuar në televizion.

Së fundi Cindy është përfolur në media për  një lidhje dashurie me djalin e Jozefina Topallit, por ajo ka preferuar të shmanget duke mos dashur tu përgjigjet pyetjeve rreth jetës private.

E megjithatë, ndonëse nuk e pranoi as nuk e mohoi, lë vend ende për dyshime për një lidhje mes dyshes.

Pjesë nga biseda me Rudina Magjistarin

Rudina Magjistari: Nëse do të ta kërkonte i dashuri yt apo i fejuari yt do e lije televizionin?

Cindy Marina: Jo sigurisht që jo sepse normalisht po të ishte një person në krahun tim, ai do më mbështesë për çdo gjë dhe nëse ai më ndalon për një gjë të tillë, nuk mendoj se është personi i duhur.

Rudina Magjistari: Në fakt lajmet kanë dalë që është dikush është e vërtetë?

Cindy Marina: Për këtë nuk kam asnjë koment.

Rudina Magjistari: Mirë kjo përgjigje e ka në një farë mënyre një nënpërgjigje të vetën.

Cindy Marina: Nuk e di.

Rudina Magjistari: Do presësh një moment tjetër ndoshta për të folur?

Cindy Marina: Të shohim, nuk e di (qesh).

Kujtojmë se Cindy Marina është një modele shqiptaro- amerikane e cila fitoi konkursin e Miss Universe Albania 2019.

Ajo përfaqësoi Shqipërinë në Miss universe ku u rendit në top 20 femrat më të bukura. Ajo u shpreh se ndihet shumë krenare dhe e privilegjuar që iu dha mundësia për të përfaqësuar Shqipërinë në kompeticionin e rëndësishëm të bukurisë.

Përveç modelingut Cindy është praktikuese e sportit të volejbollit për femra. Cindy nisi të luante volejboll që në moshën 14 vjeçare dhe ka patur shumë sukses.