Prej disa kohësh në media po përflitet për një lidhje mes Bora Zemanit dhe ish-konkurrentit të “Përputhen”, Atdhe Xheravinës.

Në fillim u tha se pëlqimi mes tyre nisi kur Bora i dha fund lidhjes së saj dhe pas mbarimit të “Për’puthen” ku ishte konkurrent Atdheu. Por deri më tani asnjëri nga të dy nuk kanë reaguar, derisa Atdheu theu heshtjen në një intervistë në Top Channel në “Shqipëria Live”.

Në intervistë ai hodhi poshtë thashethemet se ata dy janë në një lidhje. Atdheu tha se ka shumë respekt dhe simpati si shoqe. Ndërkaq ka të reja në jetën e tij sentimetale që nuk përfshijnë aspak moderatoren.

Atdheu tha se ishte i dashuruar por nuk pranoi të zbulonte më shumë detaje.

“Është shumë simpatike, s’mund të gënjejmë. Kam respekt për Borën, është gocë shumë e mirë, por e shoh vetëm si shoqe. Nëse do kishte qenë konkurrente në “Përputhen” atëherë është ndryshe muhabeti. Do kisha dalë me të, pse jo? Do kisha tentuar t’i fitoja zemrën. Nuk ka asgjë mes nesh, nuk besoj se mund të këtë. Po të ishte konkurrente do dilja se ashtu është formati,”- ka thënë Atdheu.