Pas më shumë se 10 vite, Cristiano Ronaldo është rikthyer tek “Manchester United” dhe sigurisht që klubi anglez do e llastonte “të preferuarin’ e tyre, duke i siguruar një vilë luksoze me vlerë 6 milionë paund.

Vila luksoze ku rrinte Ronaldo me familjen e tij kishte një palestër me teknologji të lartë, pishinë, xhakuzi e 7 dhoma gjumi. Dhe pamjet e vilës janë publikuar dhe nga “The Sun” (fotot mund t`i shihni më poshtë).

Mirëpo, futbollisti e ka braktisur vilën me vlerë prej 6 milionë paundësh për një arsye që nga disa fansa është konsideruar “e çuditshme”. Sipas “The Sun”, ylli portugez është shqetësuar nga zhurma e deleve që kullotnin në pronën ngjitur. Ndërsa nga ana tjetër, partnerja e tij, Georgina Rodriguez duket se nuk është e të njëjtit mendim pasi ajo vetë ka publikuar foto teksa fëmijët argëtoheshin në fshat me delet (ose kanë qenë duke shijuar ditët e fundit në këtë vilë).

Gazeta britanik “The Sun” shkruan se futbollisti 36-vjeçar, bashkë me familjen janë transferuar në një vilë tjetër, me vlerë 3 milion paund.