Ish-kreu i Aleancës Kuq e Zi, Kreshnik Spahiu, ka ‘thumbuar’ kreun e PD-së, Lulzim Basha me anë të një fotoje. Ai ka shpërndarë në rrjetin social Facebook një foto ku shfaqet Basha, teksa i shoqëruar nga Gazmend Bardhi shkon drejt Kuvendit.

“PA KOMENT: A keni parë ndonjë qënie njerezore, që edhe kur ecën në këmbë, fle gjumë me sy mbyllur?”, shkruan Spahiu bashkëngjitur fotos në fjalë.

https://www.facebook.com/SpahiuKreshnik/photos/a.496196763759458/4345246432187786/?type=3

Gjithmonë thuhet se Basha ‘fle gjumë’, duke iu referuar reagimeve të tij me vonesë apo mungesës së punëve të bëra.

Para zgjedhjeve, kryedemokrati Lulzim Basha ka qene i ftuar në emisionin “Koha për t’u zgjuar”, në News24, ku gazetari e nisi intervistën me një batutë, teksa tha se “Ju prishëm gjumin e këtij mëngjesi që është bërë proverbial në këtë fushatë”.

Përgjigjja e Bashës ishte se kjo është rutina e tij e përditshme, ndërsa iu kthye Edi Ramës, duke thënë se gjumi është problemi i kundërshtarit të tij politik, që në këto 8 vite nuk ka asnjë bilanc.