Mark Marku ka kritikuar kryetarin e Partisë Demokratike Lulzim Basha për mënyrën se si po e drejton PD.

Duke folur për herë të parë pas dorëheqjes nga mandatit i deputetit, Marku thotë në emisionin “Opinion” se Basha nuk e sjell PD-në në pushtet nëse nuk ndryshon.

Sipas tij, qëllimi i tij kryesor është të mbajë nën kontroll partinë.

Pjesë nga biseda:

Fevziu: Çfarë mendimi keni ju për Lulzim Bashën?

Marku: Si lider politik, në fakt duhet të gjykoj pak djali i mirë apo djalë i keq. Basha është modeli i ri në politik. Ka tentuar të drejtojë një parti berishiste, nuk e them në kuptimin negativ. Ai ka tentuar të bëj liderin e moderuar një parti e cila ka qe një formacion krejt tjetër për shkak se Berisha ka dhënë një formë të tillë.

Fevziu: E sjell Basha PD në qeveri?

Marku: Nëse ndryshon e sjell. Një nga arsyet që dhashë arsyet është se unë nuk shikoj shenja dhe në momentin që nuk merr asnjë reagim mendon se është kot. Mendoj se qëllimi kryesor i Bashës është të kontrollojë partinë. Ai mund të rrijë në krye se ka durim se është natyrë e tillë, por shoqëria nuk ka më hapësirë kohore për të pritur.

Fevziu: Cili ishte reagimi i kolegëve të tjerë?

Marku: Dy gjëra që më kanë bërë përshtypje. E para kritika quhet si akt heroik, une e quaj si një akt të zakonshëm. Më thonë bravo se ti je trim, unë nuk e mbaj veten për trim. E dyta të thonë shumë mirë, më kanë dërguar mesazhe, por kishin hall se mos unë iu nxjerr mesazhet dhe telefonin në Ëhats app. Nga ana tjetër i thonë dhe liderit dhe strukturave.